Mark ‘inagaw’ ni Rhian kay Jennylyn

May nakapagbulong sa akin na nag-taping na kahapon ang My Only Love na pinagtatambalan nina Rhian Ramos at Mark Herras.

Galit ang fans ni Jennylyn Mercado dahil ‘inagaw’ raw ni Rhian si Mark.

Ang dinig kasi ng fans ng loveteam nina Jennylyn at Mark, sandali lang ang participation ng young actor sa La Vendetta.

‘Yung pagpa-partner daw ba kay Mark kay Rhian ay nangangahulugang tuluyan nang bubuwagin ng GMA 7 ang Jennylyn-Mark loveteam?

Anyway, ginawa lang daw kaagad ang first taping day ng My Only Love dahil pupunta ng Europe ang direktor nilang si Louie Ignacio.

Two weeks daw matetengga ang taping ng My Only Love habang wala si Direk Louie.

***