Marvin: After Angel, Kay Marian Naman

LAST Tuesday na yata ang highest rating ng Marimar na nagtala ng 44.6 percent.

Sa episode nangyari ang sampalan nina Marian Rivera at Bianca King. Aabangan din tiyak ang episode today dahil posibleng magkita na sina Marimar at Sergio.

Inimbita ni Kim (Cristine Reyes) si Marimar sa restaurant para mag-usap sila at dumating si Sergio kasama si Antonio (Dino Guevarra) at balak sorpresahin si Kim.

Magkita na kaya ang mag-asawa?

Samantala, kasama na sa Marimar si Marvin Agustin bilang si Rodolfo Santa Gines, rich stockbroker na magkakagusto kay Marimar.

Kahapon ang first taping day ng actor at sa Tuesday na siya lalabas. Sa Riverbend sa Marikina kinunan ang masquerade ball scene.

* * *