Eula, Kapuso na!

CONFIRMED: Kapuso na ang dating Kapamilya star na si Eula Valdez. Lalabas siya bilang mother ni Richard Gutierrez sa malapit nang mapanood na soap na Kamandag.

Nagkaroon na ng final talk si Eula at ang isang executive ng GMA-7 nu’ng isang araw. Ibig sabihin, pumirma na ito ng kontrata sa Kapuso channel.

Hindi lang sa Kamandag mapapanood si Eula dahil may gagawin din siyang proyekto sa GMA Films.

Bale sumunod lang si Eula sa mga yapak ni Jean Garcia, dating archrival niya sa Channel 2 at nakasama sa Pangako sa ’Yo.

Super busy si Jean sa GMA-7 at hindi nawawalan ng trabaho.

Ang pinakabago niyang programa ay ang La Vendetta, na tinatampukan din nina Sunshine Dizon at Jennylyn Mercado.

“Experimental soap” kung i-describe ng writers ang La Vendetta, dahil isang season lang ito tatakbo at may temang suspense-thriller-drama.

First time itong mapapanood sa local TV.