Mark & Jen: The Original Starstruck Loveteam!

Ibinalik ng GMA 7 ang kanilang original Starstruck love team na sina Mark Herras at Jennylyn Mercado last Thursday sa episode# 265 ng Magpakailanman at maganda ang resulta sa ratings.

In a week’s time, mabilis ang mga pangyayari. Biglang may anunsyo na magti-team up sila sa sinenobelang My Only Love sa direksyon ni Louie Ignacio.

May mga release din na si Jennylyn na ang kapareha ni Robin Padilla sa bagong action-soap nito na Joaquin Burdado na base sa komiks serye ni Carlo Caparas.

At heto ang announcement na kinagulat ng marami. Na si Jennylyn ay talent ng Artists Center ng GMA. Ang Artists Center ang manager niya. At si Becky Aguila na kinilala ng lahat na manager niya ay isang agent o booker niya lang.

Hinihintay namin ang pinakamahalagang assignment para kay Jennylyn. Na ibibigay sa kanya ang action-soap na Angela Markado. Isang female story talaga ito.

Exciting story: isang rape victim na naghiganti sa lahat ng rapists.

Nang ginawa itong pelikula ni Lino Brocka in the late 70s, si Hilda Koronel who was only 18 ang gumanap sa title role. Kinumbida ang movie na ito sa Nantes: Festival of 3 Continents at nanalo ito ng best picture, a first.

Iyong pelikula ang nagsimula ng winning streak ni Brocka sa ibang bansa. What kung makukuha iyon ni Jennylyn? Parang Lipstick ito at nauna ito sa Hollywood movie ni Margeaux Hemingway noon.