GMA-7 exec, nag-react sa statement ng Singko

Hinihintay ang sagot ng GMA-7 sa official statement ng ABC-5 tungkol sa paglipat ng Philippine Idol sa GMA-7.

May portion ang statement na ganito ang sinasabi: “In a statement issued in June 2006, apparently with reference to Pinoy Big Brother and Philippine Idol, GMA said among others: ‘We don’t need to buy a foreign franchise and get other people’s ideas’.”

Nai-forward sa amin ang maikling sagot ni Wilma Galvante (SVP for Entertainment ng GMA Network). Sabi nito: “I’m not going back on my word. What I referred to then was the copying of foreign franchises 100 percent without making adjustments to entertain local viewers.”

May portion din sa statement na nagsasabing “too bad” kay Mau Marcelo kung totoong ’di siya kikilalanin ng GMA as the winner ng season one ng PI.

Hiningi namin ang reaction ni Sandra Chavez, ang kinuha ng Fremantle Media na maging manager nina Mau, Jan Nieto at Gian Magdangal.

Sabi nito: “Dapat mag-usap ang Channel 7 at Fremantle kung ano ang gagawin nila sa first batch. Fremantle has to settle that.”

Si Gian ay nasa Channel 7 na at may balitang pipirma rin si Jan ng kontrata sa network.

Tinanong din namin ito kay Sandra at positive ang sagot niya, “but we’re still waiting for the formality.”

Mahaba pa ang isyu tungkol sa pagkakakuha ng rights ng Channel 7 sa PI at isa rin sa inaabangan ay kung sino ang maghu-host nito.

Si Regine Velasquez pa ba o si Ryan Agoncillo?