GMA-7's Asian Treasures Premieres This Week!

IMPRESSIVE ang press launch ng GMA-7 para sa adventure-love story na Asian Treasures. Trailer pa lang, kitang-kita na ang pagka-ambisyoso ng proyekto. Hindi birong pagsamahin ang tinaguriang Bad Boy ng Philippine Cinema at ang acknowledged Telefantasya Queen. Aside from the all-out budget, suportado pa sila ng mga respetado at de-kalibreng artistang tulad nina Eddie Garcia, Caridad Sanchez, Marvin Agustin, Joonee Gamboa, Jaime Fabregas at Ronaldo Valdez. Kasama rin sa cast sina Rommel Padilla, Mon Confiado, Marky Cielo, Gio Alvarez, Diana Zubiri, Margaret Wilson, Glaiza de Castro, Ella V at Francis Magindayao, sa direksyon ni Eric Quizon. Magsisimula ang airing ng Asian Treasures sa Enero 15, kapalit ng Captain Barbell. Istorya ng paghahanap sa kayamanang diumano’y itinago ng 10 datu ng Borneo na nakalap nila sa iba’t ibang bayan sa Asya. Isang lungsod ang tinatag sa Pilipinas at kinilalang Itim na Ginto, dito raw nailagak ang mga kayamanan. Ang sikreto tungkol sa natatagong kayamanan ay iniingatan ng dalawang grupo ng Pilipinong naisalin na sa ilang henerasyon. Ang KKK (Kapatirang Kumakalinga ng Kayamanan) ang grupong gustong protektahan ang kayamanan at ang Sudama naman ang may makasariling hangarin dito. Kumbinsido ang dumalong mga manunulat na malaki ang potensyal ng Asian Treasures. Maging ang mahusay na actor-direktor na si Eddie Garcia ay optimistikong tatangkilikin ito ng televiewers.