Walang Third Sa Hiwalayang Angel & Oyo

Walang third party involved sa hiwalayang Angel Locsin at Oyo Sotto. Malinaw na ’yan ngayon, kaya out na sa eksena sina Robin Padilla at Bing Loyzaga.

“Lack of time” umano ang dahilan ng kanilang breakup, lalo na sa side ni Angel, na naging sobrang busy sa taping ng Asian Treasures, kaya halos bihira na silang makapag-bonding ng boyfriend.

Sabagay, nang tanggapin ni Angel ang AT nila ni Binoe ay pinagdiinan na nitong malabo siyang ma-in-love sa action star dahil may asawa’t anak na ito at mahal na mahal niya ang binata nina Vic at Dina Bonnevie.

Unfair din sa part ng action superstar na madawit sa hiwalayang Angel at Oyo dahil lumalabas nga naman nanunulot siya.

Isa pa, alam naman ng lahat na natural na kay Robin ang pagiging malambing at maasikaso sa kanyang mga kapareha.