Rason ng paglayas ni Gladys sa ‘EB,’ pinagdududahan

HEALTH reason ang ibinigay na dahilan ni Gladys Guevarra sa resignation letter sa Eat Bulaga last Friday.

Hindi na ito nag-elaborate at ’di na rin nagtanong si Malou Choa-Fagar at ang Tape, Inc. at tinanggap na lang ang pagbibitiw nito.

May mga hindi naniniwala sa rason ni Gladys, lalo’t tumanggap siya ng show sa GMA-7. Paano raw siya makapagpapahinga kung magti-taping siya ng Magic Kamison?

Kaya ang press, dinidiskubre ang mas malalim na dahilan ng move ni Gladys, gaya ng kung may nakaaway ito sa hosts ng show o kung may iniiwasan.

Hopefully, hindi niya ititigil ang pagkanta dahil marami ang makaka-miss kay Chuchay (isa sa pinasikat niyang characters).