Naka-Recover na si Angel Locsin....

NAKA-RECOVER na raw si Angel Locsin sa split-up nila ni Oyo Boy Sotto.

Sa ngayon ay dinadaan na lang niya sa trabaho ang lahat. Busy siya sa taping ng Asian Treasures na may press conference tonight sa Metro Bar.

Pero, iginigiit ng kampo ni Angel na hindi si Robin Padilla ang dahilan ng hiwalayan nila. Kasi , madalas magkasama ngayon sina Angel at Robin bilang magkapartner sa bagong show ng GMA-7 na magsisimula na sa 3rd week of January.

Samantala, sa blow-out party ni Vic Sotto para sa EK3 ay nandoon si Bing Loyzaga para magpaliwanag na walang katotohanan ang balita sa kanila ni Oyo. Matagal na raw silang magkakilala ni Oyo kaya matagal na silang magkaibigan.

Sa part ni Vic, hindi siya naniniwala na si Bing ang dahilan ng paghihiwalay nina Oyo at Angel. Katuwiran ni Vic ay matagal na niyang kakilala si Bing. Sa kalagayan ni Bing, misis pa rin siya ni Janno Gibbs.