Ryan Agoncillo To Host Philippine Idol?

SI Ryan Agoncillo ang nag-host sa presscon ni Elliott Yamin, ang finalist ng American Idol na nasa bansa ngayon to promote his album.

Ang ganda raw tingnan na wini-welcome ng host ng Philippine Idol ang finalist ng AI.

Sayang at walang nakapagtanong kay Ryan sa presscon kung gugustuhin pa rin niyang mag-host ng PI kahit ang GMA-7 na ang carrying station nito.

Gusto rin daw ng Fremantle Media na lalake ang mag-host nito at sa poll ng PEP o Philippine Entertainment Portal kung sino ang gusto ng viewers na mag-host ng PI, nangunguna si Ryan at malayo ang lamang kina Paolo Bediones, Drew Arellano at Regine Velasquez.

Kaya lang, taga-ABS-CBN si Ryan at malabong sa kanya ibigay ang paghu-host ng PI, unless lumipat uli siya sa Channel 7 ’pag natapos na ang Ysabella sa February next year.