Gladys umiyak sa presscon ng 'Kamison'

Naiyak si Gladys Guevarra sa presscon ng Magic Kamison nang usisain sa real reason ng pagri-resign sa Eat Bulaga. May ilang miyembro ng press na ayaw maniwalang ang scoliosis niya ang dahilan, pero ’di nito binago ang statement.

(Ang karugtong na kuwento nito, Nitz M., ayon sa isang source, ay biglang tinapos ang presscon matapos magtanong ang isang broadsheet editor at hindi na rin daw binigyan ng pagkakataong magtanong ang isa pang broadsheet writer dahil nga umiyak na si Gladys.

Nagkaroon pa raw ng “moment” ang ilang entertainment editors na mas piniling umalis na sa presscon kesa uriratin pa si Gladys sa one-on-one interview.

Nagkasagutan din ang nagtanong na broadsheet editor at ang GMA-7 executive na si Wilma Galvante dahil sa naganap na “crying session.”

Nag-sorry ito sa pagiging emotional at sa pag-iyak. Natakot daw siya sa press, pero ’di maintindihan kung bakit ’di niya puwedeng idahilan ang kalusugan na maaaring ikamatay kundi maaagapan dahil tumitindi na ang pananakit.


Hindi nasagot ni Gladys ang tanong kung magpu-promote siya sa EB at wala pang nagsasabi sa kanya. Tiniyak na wala siyang galit sa mga dating kasama na six years niyang nakatrabaho.