‘Idol,’ lilipat ng Siyete

MAY kumakalat na balita na ang season 2 ng Philippine Idol ay sa GMA-7 na mapapanood at hindi na sa ABC-5. May negotiations na raw nangyayari between Freemantle Media, ang franchise holder ng PI, at Channel 7.

Ang sabi’y this week na malalaman kung mananatili sa ABC-5 ang PI o lilipat na sa Siyete. Pero, ang first option daw ng Freemantle ay ang Channel 5 ni Tonyboy Cojuangco.

If ever malipat nga sa Channel 7 ang PI, si Ryan Agoncillo pa rin kaya ang mag-host nito at si Ryan Cayabyab pa rin ang chairman?

Silang dalawa raw ang gusto ng Freemantle na i-retain, pero ang Siyete na siguro ang bahalang mamili ng bubuo ng judges.

Kung makukuha ng network ang franchise ng PI, ibig sabihin, hindi muna babalik ang Pinoy Pop Superstar. Kung hindi pupuwede si Ryan A. na mag-host dahil may show sa ABS-CBN, sino kaya ang ipapalit sa kanya?