Ian de Leon: Magaling na aktor may pinagmanahan

MAY mga panatikong viewers ng Super Twins ng GMA-7 na gustung-gusto nila ang role at acting ni Ian de Leon. Nagagalingan sila rito. Siya yung mayamang anak ni Tetchie Agbayani na dahil sa pag-ibig kay Marian Rivera, kesehodang iwanan ang kayamanan. Siya ang ama ng Super Twins na ginagampanan nina Nadine Samonte and Jennylyn Mercado. Maga-ling daw mag-emote si Ian. Saka, yung pagiging kalbo niya ay sinadya para sa role kasi, bata pa naman siya para maging tatay ni Jennylyn and Nadine. Kasi ba naman, anak yata siya ng mga magagaling na artistang sina Christopher de Leon and Nora Aunor, di ba? Mana-mana lang yan! May comment din sila doon sa karakter at eksena ni Cristine Reyes at ng lalaking nakamaskara. Ang bagal daw ng pacing at bulol magsalita ‘pag nakamaskara. Walang maintindihan. Saka, parang nakababad daw ang kamera, kahit hindi naman daw ito kailangan. Well, its too early pa naman para malaman natin kung anong role nila sa Super Twins . Wait na lang kayo ‘no!