The Promise: Coming Out Valentines Day!

Kahapon ang last shooting day ng The Promise at tinapos ni Direk Mike Tuviera ang pelikula nang walang problema. Kahit mending a broken heart si Angel Locsin at naglalagare sa taping ng Asian Treasures, ’di niya pinabayaan ang trabaho. Pero kahit may three kissing scenes at two passionate love scenes, umaasa pa rin ang Regal at GMA Films na mabibigyan ng PG-13 classification ng MTRCB ang movie. Naaayon sa istorya ang love scenes nina Angel at Richard Gutierrez. Idea ni Annette Gozon-Abrogar na i-remake ang Hihintayin Kita sa Langit. Gusto niyang mapanood ng new generation of moviegoers ang para sa kanya’y one of the best Filipino movies, na three times niyang pinanood nu’ng ipalabas. “We want to re-introduce it to a new audience. Sana maka-level ng HKSL ang The Promise,” wish nito. Malalalaman kung nagtagumpay ang mga producer, director, technical staff at cast sa showing ng movie simula February 14.