Boys Nxt Door, bagong barkadang kagigiliwan

MAY bagong barkadang susubaybayan ang mga ma-nonood linggu-linggo sa pagbubukas ng pinakabong teen-oriented weekend program na Boys Nxt Door na kabilang sa mga espes-yal na paghahandog ng GMA Network sa month-long celebration ng ika-57 anibersaryo nito ngayong buwan ng Hunyo.

Simula sa Hunyo 24, matutunghayan na ang ma-kulay na buhay ng isang grupo ng kabataan na pi -nagtagpu-tagpo ng kani-lang mga tadhana. Gaganap bilang magkakapatid sina Marky Cielo bilang Bu-boy, Aljur Abrenica bilang Migs, Mart Escudero bilang Atom, Justine Plummer bilang Jiro at Eunice ‘Char-ming’ Lagusad bilang Nikki.

Magtatagpo lang ang landas ng magkakapatid sa pagkamatay ng kanilang ama. Buong buhay ni Buboy ay inakala niyang nag-iisa lang siyang anak, kaya la-king gulat niya nang ihabilin ng kanyang ama, bago ito mamatay, na marami siyang mga kapatid sa iba’t ibang babae. Nangako naman ang ina ni Buboy na hahanapin ang magkakapatid at sisiguraduhing mabuti ang lagay nila.

Mahahanap ng ina ni Buboy (Rio Locsin) ang magkakapatid at patitirahin sa kani-lang bahay. Pero kinailangan nitong mag-abroad para suportahan ang lumaki nitong pamilya kaya maiiwan ang malaking responsibilidad kay Buboy na alaga-an ang kanyang mga kapatid bilang pinakapanganay sa lahat.

Sa simula ay hindi magiging madali kay Buboy ang pakisamahan ang mga kapatid dahil iba’t iba ang personalidad ng mga ito. Rebelde at seryoso si Migs, makulit at palabiro si Atom, genius naman si Jiro at pa-mature naman ang pet-loving nilang bunso at only girl na si Nikki. Makakasama nila sa bahay ang kanilang tiyuhin na si Badong (Benjie Paras) na tatayong guardian nila pero mas alagain pa ng mga pamangkin niya dahil masyadong clumsy at accident-prone.

Magiging close din ang magkakapatid sa mga tao sa ladies’ dormitory sa ta-pat ng bahay nila na pag-a-ari ng masungit at istriktong landlady na si Miss Malinis (Janice de Belen) , isang ma-tandang dalaga na terror teacher din. Pinag-aaral nito ang kikay na pamangking si Coffee (Kris Bernal) na magiging close - at madi-deve-lop-kina Migs at Atom.

Si Buboy ay magiging close din sa boarder na si Sari (Glaiza de Castro) na best friend pala ng kaniyang girlfriend na si Isabel (Stef Prescott). Maging ang bestfriend ni Buboy na si Decdec (Kiko Junio) at ang barka-dang si Milo (Jesi Corcuera) ay maiipit din sa love triangle kasama ang beauty queen bombshell na si Winona (Rich Asuncion).

Mapapanood ang Boys Nxt Door tuwing Linggo, simula Hunyo 24, pagkatapos ng MOVE! The Billy Crawford Search for Pinoy Dancers sa GMA.