KC Conception binisita ni Gian Magdangal sa bahay

Nakausap namin si Gian at tuwang-tuwa siya dahil regular na siya every Sunday sa SOP. Wala pa raw siyang pinipirmahang kontrata sa GMA Network, pero aniya, kung papipirmahin siya’y willing siya kahit exclusive pa. Napaka-humble ng reaksiyon ni Gian nang sabihin namin sa kanyang mas sikat pa yata siya ngayon kesa sa winner ng Philippine Idol na si Mau Marcelo. “Talaga po?” sabi niyang parang hindi makapaniwala. “Siguro, oras-oras lang po naman. I’m sure Mau will get her break, her time. Nagkataon lang siguro na nauna ko, like heto nga, kinuha ako ng GMA.” Nali-link din pala si Gian kay KC Concepcion at anang singer, friends lang sila. Inamin niyang nakapunta na siya sa bahay ng dalaga ni Megastar, pero hindi naman daw para umakyat ng ligaw. “Hindi po ako nanligaw, talagang kaibigan lang,” aniya. Well, dapat lang or else, lagot siya kay Direk Lino Cayetano!