Angel Locsin type makasama si Piolo

GOING back to Angel Locsin, hindi pa rin nito makumpirma kung tuloy ang pagsasamahan nilang pelikula ni Piolo Pascual under Regal Entertainment.

May mga naririnig lang na balita si Angel tungkol sa Piolo movie, pero wala pang kongkreto ang lahat.

Nagustuhan daw kasi ni Mother Lily Monteverde ang chemistry nina Piolo and Angel sa tv commercial nila ng isang coffee, at naisipan nitong pagtamba- lin ang dalawa sa big screen, na tila ang Regal nga lang ang may kayang gawin ‘yon.

Siyempre, common sense naman na di puwedeng gumawa si Piolo under GMA Films, at si Angel nama’y wiz puwede sa Star Cinema.

Bukod pa yan siyempre sa movie contract ni Angel sa Regal.

“Pero siyempre, gusto kong matuloy ‘yon kung may plano man dahil gusto ko rin namang makatrabaho si Piolo,” say ni Angel.

Kaso mo, mukhang matatagalan pa ang project na ito since after Mano Po 5 ay sisimulan agad ni Angel ang pang-Valentine offering ng GMA Films na inspired daw ng Hihintayin Kita Sa Langit, with Richard Gutierrez.

Fabulous daw ang script, say mismo nina Angel and Richard, mula kay Raquel Villavicencio, dahil kakaibang maturity raw ng Angel-Richard ang mapapanood sa said film.

As for Piolo over at Star Cinema, mukhang pinaplantsa na rin ng mga big wigs ang matagal na dapat niyang movie with Regine Velasquez, so malamang ito muna ang maging priority dito.