Bakekang Rating Very Well!

IBINALITA rin ni Donna Villa na number one teleserye ngayon ng GMA-7 ang Bakekang na likha ng kanyang asawa. “Grabe si Sunshine Dizon. Kayang-kaya niya palang magdala ng show. Consistent sa pagiging number one. Ang balita sa amin ay tinalo na nito ang Captain Barbell, Majika at lalo na yung Atlantika na ginastusan pa raw. “Tubong-lugaw sila sa Bakekang dahil matipid sa budget. Ganda lang talaga ng istorya ang sinusundan ng mga tao,” ang tuluy-tuloy pa nitong kuwento sa amin. Nang amin siyang intrigahin na parang ganun din ang kanyang sinabi noon sa Panday ng ABS-CBN, ay matatag nitong tinugon ng pagsasabing, “talaga namang top rater ng ABS-CBN ang Panday. Hindi sila nalugi dun dahil bago pa man yun ipalabas ay may mga built-in sponsors na ang show. “Nagkataon lang na nga-yon, pila-pila ang mga sponsors ng Bakekang dahil hindi na sila kayang i-accommodate lahat.” Well, hearing it from someone na magaling sa negosyo at sanay na sanay na sa kalakaran ng industriya, mahirap nang kumontra. Ha-ha-ha!