Mastershowman Stays Kapuso Forever

Nagpasalamat nga pala si Kuya Germs (German Moreno) sa isinulat namin tungkol sa paggi-guest nilang mag-ama sa The Sweet Life ni Lucy Torres sa QTV 11 kamakailan. Pinagdiinan din ng original starbuilder na kahit ano pa ang mangyari, hinding-hindi niya iiwan ang GMA-7. Nagsimula raw siya sa Siyete at mananatiling Kapuso habambuhay. Sa Saturday, si Kuya Germs din ang uupo sa hot seat ng Balakubak portion ng Nuts Entertainment, kaya abangan. Kasama ni Kuya Germs na mapapalaban sa signature games ng NE sina Rhian Ramos, Diego Llorico, bandang Rocksteddy, atbp.

Tama na ang drama mo Willie!

Mixed ang reactions ng televiewers sa litanya ni Willie Revillame kahapon sa Wowowee kaugnay sa mga patutsada ni Joey de Leon sa Eat Bulaga.

Ilang araw na raw pinatatamaan ni Joey si Willie na may dayaan umano sa ‘Wilyonaryo’ segment ng noontime show ng ABS-CBN 2.

Sobrang maemosyon ang litanya ni Willie kahapon at maraming televiewers ang nahabag sa kanya at sinasabing may punto siya.

Marami rin ang nag-text sa amin at tigilan na raw ni Willie ang drama niya.

Si Ms. Malou Choa-Fagar (senior executive ng TAPE, Inc. na prodyuser ng Eat Bulaga) na nasa ibang bansa ngayon ay ayaw munang magbigay ng kahit na anong pahayag tungkol sa litanya ni Willie laban kay Joey.

"No reaction yet!" ang text sa amin ni Ma’am Malou kahapon.

Teka! Saang show kaya ni Joey magaganap ang reaksyon niya sa litanya ni Willie? Sa Eat Bulaga, Startalk, Mel & Joey, Nuts Entertainment o Takeshi’s Castle kaya?

Hindi kaya sa lahat ng shows niya ay sagutin ni Joey si Willie?

Juday, bawal mag-pelikula sa Viva

Magkakaproblema sa cast ang GMA Films ’pag natuloy ang sequel ng Ouija.

Tsika sa amin, ayaw daw muna ni Alfie Lorenzo na gumawa ng movie sa Viva Films si Judy Ann Santos dahil sa nangyari sa video rights ng movie na binenta sa ABS-CBN Global.

Tatanggapin lang daw ng manager ng actress ang sequel ’pag solong produced ng GMA Films, eh, co-produced ng Viva ang nabanggit na pelikula.

Mabuti na lang at next year pa gagawin ang sequel and hopefully, by that time, naayos na ang konting gulong ito.

Nakalulungkot ’pag hindi na gumawa ng movie si Judy Ann sa Viva Films dahil mahal niya ang mga tao rito at naging daan ang pelikulang Magkapatid para maging close sila ni Sharon Cuneta.

Hindi na nga tuloy ang U.S. premiere ng Ouija dahil nag-back-out ang promoters dahil mauunang ma-release ang video ng movie sa big screen showing.

Pero, tuloy ang alis nina Judy Ann at Ryan Agoncillo sa September 26 para sa Love Speak tour.

Si Joey lang pala!

By: Ian F. Farinas
KUNG hindi kami nagkakamali, may isang linggo nang pinagpipiyestahan sa mga umpukan at maging sa Internet ang isyu tungkol sa diumano’y dayaan sa bagong segment ng Wowowee na Wilyonaryo.

Nakunan kasi ng ilang viewers ang episode kung saan dalawang numero, isang 0 at isang 2, ang “nagsiksikan” sa iisang gulong na may kulay violet matapos ang jackpot round, at pinost ito sa You Tube for everyone to see.

Doon na nagsimulang magduda ang mga tagasubaybay na may scam o pandarayang nagaganap sa game portions ng nasabing noontime show.

Hindi lang namin ito miminsang narinig sa mga tsikahan o nabasa sa ilang entertainment sites sa Net.

Karamihan pa naman sa bloggers ay nagki-claim na regular viewers ng ABS at nanghihingi ng paliwanag tungkol sa isyu.

May isang executive nga ng Dos na nag-react, hindi naman nagpabanggit ang pangalan. Ayon sa executive, honest mistake raw ang lahat at mag-i-issue lang sila ng statement kung kinakailangan.

Sinabi pa nitong parte lamang ang kontrobersya ng isang smear campaign laban kay Willie Revillame.

Smear campaign saan? At kanino?

Malinaw siguro ang nakita ng mga manonood: Dalawa ang numerong laman ng iisang gulong.

Kaya sila nagtataka, nagtatanong. Nasa’n ang smear campaign doon?

Tapos, imbes na tumbukin ang katanungan ng bayan, ayun, at nag-iiyak si Willie sa WWW kahapon dahil sa umano’y mga patutsada ni Joey de Leon sa Eat Bulaga.

Sus, patutsada lang pala ni Joey, na kilalang-kilala naman sa pagiging palabiro at sobrang pilyo (although witty ang mga atake, ha, aminin!) ang kailangan para basagin ng WWW host ang katahimikan sa kasalukuyang kontrobersya.

Pero, hindi pa rin ganu’n ka-satisfactory ang naging paliwanag. Bukod kasi sa pagsasabing hindi siya nandaraya, ni wala man lang binanggit o sinabi kung paano nangyaring dalawa nga ang numero sa loob ng iisang gulong?

He could have very well taken the chance na “burahin” ang anumang bahid ng pagdududa ng viewers sa palaro nila.

Pero, self-serving ang mga naging pahayag niya.

Ang sabi ni Willie, addressing the audience, “Hindi po ako nandaraya. Kung naniniwala kayo na nandaraya ako, iwanan n’yo po ako, iwanan n’yo kami rito.”

Tapos, patuloy niya, “Kahit may sakit ako, kahit kung anu-ano nararamdaman ko, eh, pinipilit kong tumayo para sa inyo.

“Sa mga taong may sakit, kayo lang ang iniisip ko, off-cam, kahit walang camera, ano’ng ginagawa namin dito? Tumutulong pa rin kami!”

Ano kaya ang kinalaman ng mga ito sa usapin ng sinasabing “pandaraya”?

Kay Joey, ito naman ang kanyang tinuran na parang batang pikon na pikon, “Ikaw na ang bida, ikaw na ang number one, sa iyo na ang ratings, ikaw na! Sige, Eat Bulaga! na ang number one! at nakuha pang magbanta na, “Mr. Joey de Leon, nirerespeto pa rin kita. Huwag mong hintayin na mawala ang respeto ko.”

Komento tuloy ng isang nirerespeto at beteranang entertainment columnist, “Hindi talaga naituturo ang pagiging disente. It’s really something inherent in a person,” patungkol sa naging litanya ni Willie kahapon.

Samantala, sinikap sana ng Tonight na kunin ang panig ni Joey, pero napag-alaman naming lahat ng hosts ng Eat Bulaga ay nasa Hong Kong. Sa totoo lang, hindi kami sure kung gugustuhing patulan ni Joey ang naging eksena ni Willie.

Pero kung nabasa n’yo ang regular column ng komedyante sa isang major broadsheet kahapon, puwede nang komento ito galing sa komedyante.

Of course, iba ang pinaka-topic ng kolum ni Joey na De Leon’s Den, pero ang linya nito sa bandang dulo ay nakatatawag-pansin, lalo na pagkatapos ng ginawang pag-iyak ni Willie kahapon.

And it read: “Alam n’yo, may art din ’yung pagsundot at patama. But naturally, all these are ‘tuksuhan lang.’ Tayong lahat ay may mga pinagsamahan. Magkikita at maaring magkasama rin tayo balang araw. Kaya, walang pikunan. Paliwanagan lang. Biruan lang. Teasing is not bad. Cheating is ... on TV!”

Marian and Dingdong's Lovescene

Okey lang kay Marian Rivera na lagi silang may kissing scenes ng kapareha niyang si Dingdong Dantes sa Marimar.

Kuwento sa amin ni Marian, halos every scene ay may halikan sila ni Dingdong dahil nagmamahalan sila sa telenobela at inosenteng may kalandian ang karakter niyang si Marimar.

Type ni Marian ang role niya na hindi siya pa-cute at pa-tweetums kundi meron siyang taglay na kalandian.

Sa lovescene nila sa burol ay ‘lumaban’ siya kay Dindong. Kung hinalikan siya nito sa lips at sa leeg ay ‘hinagod’ din niya ng halik si Dingdong habang kunwari ay kapwa sila nakahubad sa ilalim ng ulan.

Mainit din ang eksena nila sa jacuzzi na kuntodo tukaan sila ni Dingdong. Dayalog sa amin ni Marian, malaki ang jacuzzi kaya hindi sila nagkapatungan o nagkasalatan ni Dingdong.

Kahit panay ang pagsusugpong ng mga labi nila ni Dingdong ay never daw silang naglaplapan nang husto dahil ayaw ni Direk Joyce Bernal na maging malaswa ang dating.

Pati ang love scenes nila ay ine-edit nang husto ni Direk Joyce para siguraduhing pasado pa rin ito sa TV.

Ang laki ng nagawa ng Marimar para magkaroon ng confidence si Marian na dating mahiyain. Ngayon ay mas palaban na siya’t hindi na ‘manang’ ang dating.

Mukhang after Marimar ay magtutuluy-tuloy na ang suwerte kay Marian dahil narinig naming si Marian din ang napipisil ng GMA na gaganap sa TV version ng Dyesebel.

Hindi pa man tapos ang Marimar ay magti-training na yata ng swimming at diving ang dalaga bilang paghahanda sa papel ng sikat na Pinay sirena.

Nakita namin sa isang coffee shop sa Morato si Direk Joyce at nabanggit namin ‘yon sa kanya. Agree si direk na bagay si Marian bilang Dyesebel.

Ang alam daw niya ay hindi swimmer si Marian pero sa underwater scenes nila sa Marimar ay napansin niyang mabilis itong matuto at madaling turuan.

Ang tamis ng ngiti ni Direk Joyce at halatang na-excite nang sabihin naming dapat ay siya rin ang magdirek ng Dyesebel sa GMA.

Janno, tatapatan si Edu

Parang farewell presentation ng Lupin ang successful concert ni Janno Gibbs, kamakailan sa Zirkoh, Timog, napapayag kasi nitong maging guest performers ang dalawang seksing female lead, Katrina Halili at Ehra Madrigal, plus Rhian Ramos. Naki-jamming din kay Janno sina Tirso Cruz III at Ricky Davao. Ang malaking sorpresa nang gabing ’yon ay ang pagpapaunlak ni Richard Gutierrez na makisaya sa okasyon, lalo pa’t walang TF ’yon. Ganu’n katindi ang nabuong friendship ng mga nabanggit habang ginagawa ang serye sa Siyete. Anyway, masayang ibinalita ni Janno na after Lupin, may kasunod siyang show sa Kapuso network. Siya raw ang itatapat ng GMA kay Edu Manzano sa bagong game show nitong 1 vs 100 ng ABS CBN. Si Janno ang solong host ng yet untitled game show ng Siyete na halaw sa isang popular game show sa Amerika.

Ai Ai, welcome sa GMA 7

Tinanggap ni Ma’am Wilma Galvante ang paghingi ng paumanhin ni Ai Ai de las Alas dahil sa hindi paglipat nito sa GMA 7.

Hindi raw sumama ang loob ni Ma’am Wilma dahil kaibigan niya ang komedyana at hindi raw ito ikasisira ng kanilang pagkakaibigan.

Inaanak ni Ma’am Wilma ang pangalawang anak ni Ai Ai at halos nakabantay raw siya sa bata bilang ninang kaya matibay ang pagkakaibigan nila ni Ai Ai na hindi masisira sa ganung isyu lang.

Ilang beses na raw iyang ginawa ni Ai Ai na noon pa ay hinihingan siya ng trabaho na hindi natutuloy kaya hindi na raw isyu sa kanya itong huling pangyayari.

Kapag naisipan daw ni Ai Ai na ituloy ang paglipat, welcome daw si Ai Ai sa GMA 7.

Ang pagkakaalam namin, isang daily game show sana ang ibibigay kay Ai Ai.

US premiere ng Ouija `di na tuloy

Aliw ang narinig naming rason kung bakit sa Star Cinema ibinenta ng Viva Entertainment ang video rights ng Ouija na co-produced ng Viva Films at GMA Films.

Nawala raw sa isip ni Vincent del Rosario na magkalaban ang Star Cinema at GMA Films at dahil maganda ang experience nila sa release ng video ng Paano Kita libigin?, kaya sa Star Cinema uli ibinigay ang video rights ng GMA Films movie (Nakalimutan din siguro ng Viva na ito ang movie ni Judy Ann Santos na hindi pinayagang mag-promote sa sister company ng Star Cinema, ang ABS-CBN". IFF)

Kaya lang, dahil sa nangyari, hindi na matutuloy ang US premiere ng Ouija. Iri-release nang mas maaga sa scheduled premiere ang DVD ng pelikula at wala nang magkakainteres na manood nito sa big screen, kaya umatras na rin ang producer.

Alam na ito ni Judy Ann Santos. Nalungkot at na-disappoint ito dahil sa 20 years niya sa showbiz at sa rami na ng nagawang pelikula, wala pang napi-premiere sa U.S.

Matutuloy din ang alis nila ni Ryan Agoncillo, pero para na sa second leg ng kanilang Love Speak Tour.

Angelika sising-sisi sa paglipat sa Dos

HOW true na nagsisisi ang mag-amang Ernie at Angelika dela Cruz sa ginawang paglipat sa Dos mula sa Siyete?

Ang inaasahan daw kasi nilang gaganda ang showbiz career ng actress ay ’di nangyari. Binigyan nga raw ng project si Angelika, pero ’di naman nakatulong sa career ng aktres.

Imbiyerna na raw ang beauty ni Angelika sa ibinibigay na roles sa kanya, dahil kung hindi kontrabida, panahog lang sa mga bida. Dagdag ng isang source, gustung-gusto na nitong bumalik sa GMA-7 at katunayan, nakikipag-usap na raw ang ama ng dalaga sa pamunuan ng Kapuso Network.

Ang tanong: Tanggapin pa kaya nila ang aktres?

Marian bilang Mari Mar

Napakalaki ng iginanda ni Marian Rivera simula nang makuha niya ang lead role ng Marimar.

Bagay na bagay sa kanya ang itsura niya ngayon. Ikinuwento ni Marian ang bathtub scene nila ni Dingdong Dantes sa nasabing telenobela.

Mas maganda raw ang lovescene na kinunan noong isang gabi sa isang burol sa Zambales. May rain effect pa habang naglalaplapan sila ni Dingdong.

Noong isang gabi rin ay nag-celebrate ang cast ng Marimar sa Centerstage Karaoke dahil sa magandang ratings na nakukuha nila.

Ang Centerstage ay pag-aari nina Dingdong Dantes at Karylle.

Napasok na ni Marian ang lugar ni Karylle at walang katotohanan na banned si Karylle sa set ng Marimar.

Mother Lily

Napaiyak si Mother Lily sa presscon ng My Kuya’s Wedding kahapon nang tanungin na naman siya tungkol sa problema sa isang artista na binigyan niya ng proyekto. Wish ni Mother Lily na sana ay magkaayos sila tungkol sa problemang kinakaharap sa usaping iyon. Bibigyan si Mother Lily ng tribute sa SOP ng GMA 7 sa Linggo kaugnay sa kaarawan niya at ika-44 anibersaryo sa showbiz.

Marian Rivera carry ang pagiging Marimar

ILANG gabi na kaming na-kakapanood ng TV at sur-fing channels ang aming gi-nagawa.

Hmmn, natutuwa kaming panoorin ang Marimar ng GMA-7, kasi kahit remake ito at Pinoy version, halatang pinaghandaang mabuti ng lumikha at matutuwa ka sa mga ek-sena nina Marian Rivera ( bilang Marimar) at Dingdong Dantes (bilang Sergio), keri nila ang karakter nila, in fairness.

Talagang kina-career ni Marian ang pagiging Marimar, huh! Na dapat lang naman para hindi mabigo ang mga taga-Siyete na nagtitiwala sa kanya. How true na ang tunay na may pinakamaraming fans ay si Fulgoso?!

Eh, hindi naman kami nagtataka dahil kahit nu’ng original version ng Marimar ay tinalbugan pa ng asong ‘yun si Thalia, huh! Ngayon pa kaya na mas guwapo ang gumanap na aso bilang si Fulgoso?! Ayaw ni Marian Rivera. Ganoon?!

Richard vs Angel

HOW true are rumors that Richard Gutierrez’s new GMA-7 series, “Kamandag,” will be competing with the first show of his former ka-love team, Angel Locsin, tentatively titled “Taong Lobo,” on ABS-CBN? Richard supported Angel when she jumped ober da bakod, not knowing that their shows will be rivals later on.

Originally, the leading lady of “Taong Lobo” was Kristine Hermosa, but when Angel joined ABS, she became the top choice. “Kamandag” is mainly an action series, just like “Lupin.” “Taong Lobo” is a fantasy. Let’s see which one will the viewers bless. But we think the title “Taong Lobo” is now unfamiliar to most viewers who think of “lobo” as “balloon” and not as “wolf.” Maybe they should just translate the title into English, as in “Wolf Man.” Before “Kamandag,” Richard has already started shooting “Dagao” for GMA Films, directed by Chito Roño. He fell in love with this thriller after reading the script.

Marian rebelasyon sa Marimar

BIG revelation talaga ang bidang si Marian Rivera sa Marimar.

Nagulat kami sa napakalaking transformation niya mula sa pagiging baduy at plain looking’ young star, to now very sexy, alluring and very vibrant lady na magrereprise ng role na pinasikat ni Thalia dati.

Ang laki rin ng ipinayat ni Dingdong Dantes na in fairness ay talaga namang adonis sa kanyang tindig at tikas sa role na Sergio. Kasama din sa cast ang la primera kontrabida ng GMA na si Katrina Halili na super sexy din sa kanyang papel bilang si Angelika.

Malalaking artista ang mga nagbibigay suporta kay Marian. Bukod nga kina Goma at Katrina, nandiyan din sina Rita Avila, Jestoni Alarcon, Bing Loyzaga, Manilyn Reynes, Caridad Sanchez, Leo Martinez, Nadine Samonte, Bianca King, Boboy Garovillo, Marky Lopez, Mike Tan at marami pang iba.

Ultimo ang pamosong si Fulgoso, ang asong minahal na rin natin ay hindi basta-basta voice talent ang nasa likod. Sinamahan pa siya ng isang cute na aso sa pangalang Fifi. Sina Michael V at Rufa Mae Quinto ang magbibigay boses sa kanila, respectively, kaya’t malaking part din sila ng serye.

Take note, ang walang kamatayang theme song na isinalin sa tagalog ay buong husay na inawit ni Regine.

Marian Rivera overwhelmed by success of "Marimar" pilot episode

Kahapon ng tanghali, August 14, lumabas ang official overnight rating ng AGB Nielsen Philippines for Monday (August 13) para sa Mega Manila households. Ang pilot episode ng Marimar ng GMA-7 ang highest rating primetime soap for Monday with 36.6 percent against ABS-CBN's Deal or No Deal with 26.5 percent.

Nagte-taping si Marian Rivera for Marimar nang nagsunud-sunod ang congratulatory text messages sa kanya ng mga GMA-7 executives kung kaya't nagkaroon ng instant celebration sa set.

"Salamat po sa lahat," ang ipinarating na mensahe ni Marian sa kanyang manager na si Popoy Caritativo nang hiningan ng namin ng reaksiyon ang young actress.

Sabi pa ni Marian, "Ang saya rito sa set, ang taas ng energy. Nagpadala po ng text sa akin si [VP for Drama] Ms. Lilybeth [Rasonable]. Actually hindi lang naman po sa akin ito kundi para sa lahat sa amin na nagtatrabaho sa Marimar, pati na kina Direk Joyce [Bernal] and Direk Mac [Alejandre] at kay Dingdong [Dantes].

"Masaya po kami rito kasi hindi lang naman ang Marimar ang mataas, pati ang whole block ng primetime ng GMA."

Umikot sa excitement ng pilot ng Marimar kaya mataas din ang lahat ng primetime soaps ng GMA-7 na dati nang mataas ang rating. Ang Mga Mata Ni Anghelita ay nakakuha ng 35.7 percent against Kokey at 25.1 percent; Lupin generated 36 percent against Ysabella's 26.5 percent; naka-33.9 percent naman ang Impostora vis-a-vis Walang Kapalit at 21.1 percent; at pati ang Koranovela na Jumong ay nag-register ng 30.0 percent rating against Natutulog Ba Ang Diyos? at 16.1 percent.

Iza nagpunta na ng Canada para sa shooting ng 'The Echo'

NGAYONG araw, August 13, nakatakdang lumipad si Iza Calzado for Canada para sa shooting ng The Echo, ang Hollywood remake ng Pinoy movie na “Sigaw” ni direk Yam Laranas, na dating pinagbibidahan ni Richard Gutierrez at ngayon ay pagbibidahan ng Hollywood actor na si Jesse Bradfort.

Biglaan nga ang pag-alis ng dalaga ni Lito Calzado. Iza was originally scheduled sana to leave sa August 20. Pero napaaga nga ito. Walang masyadong detalye si Iza why she has to leave a week before her original schedule. Magkukuwento na lang daw siya kapag nagbalik na siya pagkaraan ng ilang araw sa Canada.

“All I know is magsisimula na ako sa trabaho ko,” kuwento niya sa amin bago siya pumasok sa conference hall ng Philippine Children’s Medical Center (PCMP) kung saan nagselebreyt siya ng kanyang 25th birthday sa ilang cancer-stricken children ng naturang hospital. Iza’s actual birthday falls August 12.

Ilang araw lang ang ilalagi ni Iza sa Canada at pagkatapos ay babalik ulit siya rito para naman sa taping ng Impostora.

Dahil nga sa biglaan ang call slip niya sa The Echo, kaya hindi siya nakapag-advance taping ng top-rating GMA series. Pero nagawan rin nga ng paraan para makaalis na agad siya to fulfil her obligations as an actress sa The Echo, her first Hollywood movie.

May expectations ba siya sa paggawa niya ng Hollywood movie?

“Wala akong expecations. I’ll just fly there and do my job,” maikling sa-got niya sa ilang press na nakibahagi sa selebras-yon niya sa hospital.

Naiilang daw si Iza kapag inuurirat siya tungkol sa magandang kapalarang dumating sa buhay niya. Pero kahit i-lang, aminado naman siyang pinaghandaan na rin daw niya ito.

“I’ve been preparing. I will just tell you all my preparations when I’m done with it. Kasi I really don’t like to talk about this stuff before doing it. Kaya lang this is a special case kaya medyo i-lang nga ako, kasi parang alam na ng tao na aalis ako,” she admits.

Sa tanong kung may pressure ba on her part lalo na’t isang Hollywood movie itong gagawin niya.

“Of course, kasi everywhere I go, they know that I’m doing a movie in Hollywood. Kaya nga that’s also one of the reasons na hindi ko gustong ipinapaalam as much as possible kasi parang ‘Oh gosh, people know’ tinanggal ko ito sa isipan ko. Hindi ko na lang iniisip,” lahat ng magaling na aktres.

Nag-sync in na ba sa kanya that she’s going to Hollywood?

“Minsan, minsan,” paulit-ulit niyang sagot.

“Pero feeling ko magsi-sych-in lang talaga ito kapag andu’n na ako. But as of now, wala pa akong masyadong nararamdamang ganu’n.

“Kasi ang dami ko pa kasing inaasikaso rito for the past few weeks just to make this project happen. Kumbaga, to make my word sa lahat ng commitment ko rito. And of course, GMA has been supportive. So I’m very thankful.”

Marian, next big star ng GMA-7 — Gozon

NAGPAKITA ng sample sa galing sa pagsayaw si Marian Rivera nang magsayaw sila ni Dingdong Dantes sa presscon-cum-launching ng Marimar nu’ng isang gabi.

Kahit magaling nang sumayaw, kumuha pa siya ng dance lessons sa Hotlegs at may sensuality workshop pa.

Nangako si Marian na gagawin ang lahat para maging successful ang Marimar, na magpa-pilot sa Monday, August 13.

Ibabalik niya sa GMA-7 ang big break at tiwala na ibinigay sa kanya. Nag-promise itong hindi bibiguin ang management at sina Direk Joyce Bernal, Mac Alejandre at ang buong production staff.

“Yes!” ang sagot ni Marian sa tanong kung handa na siyang maging reyna ng Channel 7.

Sabagay, ultimo ang big boss ng Siyete na si Atty. Felipe Gozon, “next big star” ng Siyete ang intro sa alaga ni Popoy Caritativo.

Hindi raw tatanggapin ni Marian ang Marimar kung ’di siya open sa challenges na daraanan ng isang magiging reyna.

Siya nga ba ang papalit sa tronong iniwan ni Angel Locsin sa network?

“Iba siya, iba ako at ang management ang magde-decide niyan. Hindi ko siya tatapatan at lalong hindi tatalbugan. Basta, give ko ang 100 percent sa trabaho, gagawin ko lahat para sa Marimar.”

Feeling big star na ba siya?

“Bawat punta ko sa sa GMA Network, nararamdaman ko ’yon, dahil sa trato nila sa akin at nagpapasalamat ako. Kaya lalo akong natsa-challenge na pagbutihin ang trabaho ko at tatanawin kong utang na loob buong buhay ko ang ibinigay sa aking break. Tutumbasan ko ang ibinigay nilang malaking tiwala sa akin,” pangako nito.

Sa tanong kung masarap humalik si Dingdong Dantes, “matamis” ang sagot ni Marian at nagpakatotoo sa sagot na hindi pa niya masasabi kung ma-i-in love siya rito.

“Sa ngayon, mabuti kaming magkaibigan at comfortable ako sa kanya. Kung may problema sila ni Karylle, hindi ako ang dahilan. Nagtatrabaho kami at ’di maganda kung ’di kami mag-uusap. Nagkita kami ni Karylle sa SOP at nag-hi ako sa kanya.”

Marimar Teaser: Mga Pinakabigating Pangalan sa Telebisyon

Marimar Teaser: Ang Kwentong Bumubuo sa Pagkatao ni Marimar

GMA-7 declares Marian Rivera its "Next Big Star"

The way GMA-7 handled the press conference of their newest teleserye, ang Marimar, last night, August 7, sa Studio 3 ng GMA-7, masasabi ngang isang espesyal na project ang naturang soap opera sa network. Malaki rin ang tiwala at suportang ibinibigay nila sa inaalagaang next most important star sa network, si Marian Rivera.

Maganda rin ang mensahe at introduction na ginawa ni Atty. Felipe Gozon for Marian through a VTR. Ayon sa president ng GMA-7, "Hindi mabubuo ang primetime soap na ito if hindi namin nakita ang bagong Marimar. And since then, everything fell into place.

"GMA'7's next big star and our very own Pinay Marimar, Marian Rivera!"

During the presscon, nabanggit ni Marian na 11 years old pa lamang siya nang ipalabas sa bansa ang Marimar. "Hindi ko po siya nagawang subaybayan noon. Kaya nang ako na po ang napiling Marimar, pinanood ko po talaga ang VCD ng Marimar," sabi ni Marian.

"Ngayon po talaga, napakasarap talaga ng feeling. Hindi pa man nag-e-air ang Marimar, pero kapag may mga nakakakita na po sa akin, ang tawag na nila sa akin, 'Marimar,'" nakangiting kuwento ng young actress.

BORN TO BE MARIMAR. From the start pa lang, masasabi nga raw na swak na swak kay Marian ang role na Marimar—bukod sa acting at singing na gagawin, more on dancing talaga, na isa talaga sa talento niya. Kaya hindi raw siya masyadong nahihirapan sa mga paikut-ikot niyang sayaw, maging ‘yung nararapat na sensual dancing.

Kuwento nga ni Marian sa pakikipanayam ng PEP (Philippine Entertainment Portal), "Hindi naman po ako nahihirapan kasi gusto ko ‘yung ginagawa ko, kaya hindi ko masasabing nahihirapan ako. Kasi hilig kong talaga ang pagsasayaw. Bata pa lang po ako, talagang sumasali na ko sa mga dance competitions. At saka, siguro po, magaling din kasing sumayaw si Dong [Dingdong Dantes, her leading man] kaya mas nagiging madali."

Talagang Marimar ang gustung-gusto niyang gawin nang malaman niyang may audition para sa title role. Kung saan-saan din daw siyang simbahan nagsimba upang ipanalangin na sa kanya mapunta ang naturang role. Baka raw dahil dito ay ipinagkaloob sa kanya ng GMA-7 ang show.

"Siguro po, mabait lang talaga ang Diyos!" bulalas niya. "Ang dami-rami ko pong simbahan na sinimbahan para makuha ko ‘to. Ang dami! Tagaytay, Quiapo, Baclaran! Ang dami, kulang na lang siguro, lahat ng simbahan pasukin ko.

"Noong sinabi talaga na mag-audition ako, doon pa lang, sinabi ko na, ‘Ah, 'eto na ang pagkakataon ko. Gagawin ko ang lahat. Magre-research ako, paghahandaan ko ang sayaw ko, lahat!' Talagang preparado ako. Talagang, ‘eto na! Ibibigay ko ang one hundred percent ko dito. Kailangang ipakita ko na kaya ko."

Tinanong din ng PEP si Marian kung hindi ba siya nahihirapang magsayaw na shells lamang ang nakatakip sa harapan?

"Mahirap din kasi kailangan kong maging aware dahil baka mamaya, may makita. Pero okay naman siya. Kasi si Direk [Joyce Bernal], okay naman siya. Like, ‘O, ‘yung kamay, itakip mo! Kasi, medyo may nakikita na.' So okay naman siya, maingat naman," kuwento ni Marian.

Napag-alaman din ng PEP kay Marian mismo na ang kanyang vital statistics ngayon ay isang perpektong 36-24-36 sa height niyang 5'4".

"Actually po, gusto kong kumain ng kanin, kaso pinipigilan ko. Kaya minsan, brown rice na lang po ang ibinibigay nila sa akin. At kailangan, isang tumpok lang talaga, bawal sumobra," natatawa niyang sabi.

LEADING MAN. Marami silang sensual dancing ni Dingdong Dantes while promoting Marimar. May kakaiba bang nararamdaman si Marian while doing the dance with him? Si Dingdong ang gumaganap na Sergio sa Marimar.

"Siguro ano...hindi lalabas na maganda ‘yung sayaw kung wala talaga. Siguro po, meron talaga," pag-amin ng dalaga.

Kinikilig din ba siya kay Dingdong?

"Sino po ba naman ang hindi kikiligin kay Sergio?" nangiti niyang pagsang-ayon. "Nakikita ko po siya dati [Dingdong] na, ‘Wow, guwapo!' Pero nang makilala ko po siya nang mag-taping kami, hindi ‘yung pagiging guwapo niya ang nagustuhan ko sa kanya, kundi ‘yung ugali niya."

May isyu nang nagkakaroon daw ng pagkakalabuan or tampuhan sina Dingdong at Karylle nang dahil sa kanya. Nakarating na ba ito sa kanya?

"Hindi naman po siguro dahil sa akin. Siguro may iba silang problema. At kung meron man po, siguro naman po, labas na po ako doon. Si Dong na lang po ang makakasagot no'n," pahayag ni Marian.

May nababanggit ba si Dingdong sa kanya?

"Ay, wala po!" mabilis niyang sagot. "Kapag nasa taping po kami, masasaya po kami. Tulad nga po ng sabi ni Direk Joyce, parang nag-a-outing lang po kami at hindi po kami nagte-taping."

Posible ba siyang ma-in love kay Dingdong?

"Ay, ano ba yan?" natatawa niyang sabi. "Basta, ayoko pong magsalita nang patapos. Ayoko pong sabihin na hindi at ayoko rin naman pong sabihin na oo. Tingnan na lang po natin sa proseso at sa haba ng pagsasamahan namin. Basta sa ngayon po, mabuting magkaibigan kami ni Dong."

Kumusta naman sila ni Karylle?

"Kami ni Karylle? Okay naman po kami. Sa SOP po, nagkikita kami, binabati ko naman po siya. Wala namang problema."

BIG PRESSURE. Hindi pa man naipalalabas ang Marimar ay may title na kaagad na ibinigay sa kanya-ang pagiging "Next Big Star" ng GMA-7. Does she feel the pressure already?

"Ah, malaki talaga...nape-pressure talaga ako," pag-amin niya. "Pero ayoko na lang isipin na ganito, ganyan. Tine-take ko na lang as a challenge. Ayoko na lang isipin na nakaka-pressure. Kasi, the more na inisip ko, the more na mas mahirap para sa akin. So, siguro ang gagawin ko na lang, gawin ko na lang lahat ang expectation nila nang hindi naman ako mapahiya."

May pressure ba sa ideya na parang kailangan maging ka-level or mahigitan niya ang na-achieve ni Angel Locsin, na unang in-offera-an ng role ng Marimar?

"Ay, hindi naman po siguro," sagot ni Marian. "Alam ko na kinuha ako ng GMA management...na kaya nila ako kinuha dahil alam nila na may talento ako at kinuha nila ako na may tiwala sila sa akin.

"At saka, ‘yung kay Angel naman, kahit dati pa, okay kami ni Angel. At sobrang magaganda ‘yung sinasabi niya sa akin. Never siyang nagsalita ng masama sa akin."


Would she say na naging maganda para sa kanya ang naging pag-alis ni Angel sa GMA-7?

"Hindi ko naman po sinasabi na oo, pero sa ngayon na nakukuha ko itong lahat, malaki talaga ang pasasalamat ko na binigyan ako ng GMA ng chance na ipakita ko na ito si Marian Rivera.

"Kahit pakainin ako ng lupa, gagawin ko para sa Marimar!" bulalas ng young actress.

Her gain and Angel's loss?

"Hindi ko naman po masasabing kasayangan for Angel. Pero sa part ko po, talagang sobrang laking blessing po nito para sa akin. Talagang kung ganoon ang tingin ng tao, which is kawalan niya at gain ko, wala na po ako...labas na po ako. Basta ako, nagpapasalamat ako at malaki ang tiwala ng GMA management sa akin. At masaya ako kung nasaaan man ako ngayon."

In the future, masasabi kaya niyang nasa GMA-7 pa rin siya?

"Ay, oo naman po!

So, hindi niya gagawin ang anumang naging move ni Angel?

"Basta po ako, labas po ako sa kanya. Basta ako, kami ng manager ko, malaki ang utang na loob namin sa GMA management. At hindi namin iiwanan ang GMA," madiin niyang pagtatapos.

Mother Lily to Lovi: ‘I’m sure you won’t be a monster!’

MAY bago na namang Regal Baby si Mother Lily Monteverde at ito’y ang singer na si Lovi Poe, na pormal nang pumirma ng exclusive contract sa nasabing production outfit kahapon ng tanghali.

Magkasamang winelcome si Lovi ng Regal matriarch at anak na si Roselle Teo, na kadarating lamang mula sa dalawang buwang business-pleasure trip sa San Francisco, California.

Twelve pictures ang nakatakdang gawin ng anak ng yumaong Fernando Poe Jr. sa Regal, una na rito ang Shake, Rattle & Roll 9, na earmarked para sa Metro Manila filmfest (MMFF) sa Disyembre.

Siyempre, excited si Lovi sa malaking break na ito sa career, although pinauna niyang hindi niya makakayang pantayan o palitan ang accomplishments ng nasirang ama.

Bata pa raw siya’y pangarap na ni Lovi na maging Regal Baby at paborito niya si Maricel Soriano at ang pelikulang Underage.

Sa mga recent release ng Regal, type ni Lovi ang Blue Moon nina Jennylyn Mercado, Mark Herras at Pauleen Luna.

Ayon naman sa manager ng singer na si Leo Dominguez, suggestion ni Mother na ibalik ang apelyidong “Poe” sa screen name ng alaga.

Contrary to rumors, wala naman daw conflict sa pagitan ni Lovi at ni Susan Roces, biyuda ni Da King, at civil sila sa isa’t isa.

“I’m happy with the way things are going,” sambit pa ng dalaga.

Sa parte naman ni Madera, parang may pinatatamaan ito nang sabihing, “I’m sure that this is the beginning of your life, of your career. I’m sure you won’t be a monster.”

May pinariringgan ka yata, Mother, paninita ng ilang writers sa lady produ. Nakangiting sagot nito, “Nagpaparinig ba ako? Naku, hindi, ah. What else is new?”

Ouija nina Jolina, Juday may world premiere

MAGANDA ang pagtanggap ng publiko sa Ouija, ang latest offering ng GMA Films at Viva Films na pinapilahan ng mga tao sa mahigit na 100 theaters nationwide at pinag-uusapan ng mga nakapanood nito.

At kahit na 'yung ibang nakapanood nito ay gusto muling panoorin ang Ouija, ang bagong certified box-office hit ng GMA Films at Viva Films.

Bukod sa grade A rating na nakuha nito mula sa Cinema Evaluation Board (CEB), gustong patuna-yan ng success ng Ouija na may pag-asa pa ang local movie industry.

Maganda ang pagka-kagawa ng Ouija. At sa paningin ng CEB, nagtagumpay ang direktor na si Topel Lee sa kanyang intensiyon na gumawa ng isang well-crafted horror film. At nagawa niyang takutin ang audience. Unanimous ang naging desisyon ng CEB na big-yan ng "A" rating ang pelikula.

At kahit pa dalawang higanteng Hollywood movies ang kanyang kasabay, mas marami pa rin ang nanood sa Ouija sa opening day nito nu’ng Miyerkules last week.

Successful talaga ang unang attempt ng GMA Films na gumawa ng isang horror film. Mahigit P60 million na ang kinita ng pelikula hindi pa naman complete ang first-week run nito.

Now the movie is on it’s second week and still making money at the tills.

Impressive ang directorial job ni direk Topel. Mabilis ang editing at ang fade-to-black at cut-to-cut technique na ginamit ng direktor ay nakadagdag para magkaroon ang Ouija ng sarili nitong style as a film.

Puring-puri rin ang ci-nematography at musical scoring ng pelikula. Marami rin ang nagkagusto sa kakaibang twist ng pelikula. Pinuri rin ang cast para sa mahusay na performance. Perfect din ang pagkapili sa Camiguin para maging setting ng pelikula at bumagay ito sa istorya.

Sa thanksgiving party na ipinatawag ng GMA para sa tagumpay ng Ouija sa takilya, napag-alaman naming pinaplano na ang sequel nito. Sina Judy Ann Santos at Jolina Magda-ngal pa rin ang mga bida at baka sa abroad ito kunan. Gusto nga ni Direk Topel na sana ay sa Alaska ang maging setting ng movie. Baka rin makasama sa sequel sina Iza Calzado at Rhian Ramos kahit na presumed namatay sila sa unang kuwento ng Ouija.

Kaya naman excited ang GMA Films at Viva Films para sa world premiere ng Ouija. First time kasi ito para sa GMA Films, gayundin sa mga bidang sina Juday at Jolina. First stop will be in Seattle on Sept. 29; Sept. 30 in San Diego; and Oct. 7 in Orlando.

Then, the performers will continue with Lovespeak: The US Concert Tour on Oct. 12 in Las Vegas and Oct. 14 in Carlson.

Sa GMA Films at Viva Films, kina Juday, Jolens, Iza at Rhian, at kay Direk Topel, ang aming taus-pusong pagbati for the success of Ouija.

TV RATINGS

Narito ang overnight ratings ng mga programa ng GMA 7 at ABS-CBN 2 noong LUNES (Agosto 6):

SiS 12% vs. Boy and Kris 10%;

Foxy Lady 15.9% vs. Game Ka Na Ba 18.8%;

Eat Bulaga 23.3% vs. Wowowee 20.1%;

Daisy Siete 18.5% vs. Inocente De Ti 13.7%;

Pati Ba Pintig ng Puso 19.6% at Kung Mahawi Man ang Ulap 18.5% vs. Pinoy Movie Hits 16.5%;

Lovers in Prague 10.6% at Meteor Garden 24.6% vs. Margarita 18.4%;

24 Oras 32.9% vs. TV Patrol World 26.8%;

Mga Mata ni Anghelita 34% vs. Kokey 27.9%;

Lupin 30.6% vs. Ysabella 29.7% at Paglalahad 28.4%;

Impostora 30% vs. Deal or No Deal 31.1%;

Jumong 26.6% vs. Walang Kapalit 23.1%;

Kung Ako Ikaw 12.9% vs. Sineserye 19% at Bandila 11.9%

RIDE THE BUS, BE FAMOUS AND WIN P1M

RIDE THE BUS, BE FAMOUS AND WIN P1M

ANOTHER exciting reality search show from GMA7 is “Ride To Fame: Yes to Your Dream” hosted by Drew Arellano and Karel Marquez .

Coke and GMA join forces in search for young talent to become a future total performer.

Here, the contestants will show their talent and outdo one another to grab a whopping P1 million as grand prize. They include 12 young boys and girls who came from different parts of the archipelago. For 13 weeks, they shall experience many forms of challenges to be able to achieve their dreams.

A Coke Fame bus will bring them to many places and in the course of their journey, will be eliminated one by one until one emerges as the grand winner. The votes will culminate from SMS votes, making up for 60 percent of the total score and 40 percent will come from the judges.

Who will be proclaimed as Ride to Fame winner? Choose from Giu Comia, Alchris Galura, Daryl Lagos, Bamboo Mañalac, Carl Guevarra, Alexander ‘Lex’ Uy, Avajane Jugueta, Rosan Reodica, Pamela Bondoc, Qwyney Rel Siclot, Francesca Lagura and Musique Cabaltesa.

Dr. Hayden Kho Jr. to serenade Vicki Belo in "Celebrity Duets"

When the eight celebrity contestants of Celebrity Duets were introduced to the press yesterday, August 6, at the executive lounge of GMA-7, one of the contestants really stood out—both physically and figuratively.

Towering at 6'2" tall, Dr. Hayden Kho, Jr. is one of the eight famous celebrities from different sectors of society who will be performing with legendary OPM singers in this new reality singing contest from Fremantle Media.

During the press conference, the Filipino-Chinese doctor who is affiliated with the Belo Medical Group declared that joining this contest was his way of doing a "modern-day harana" for his loved one. "Kaya rin ako sumali sa Celebrity Duets kasi parang nanliligaw ako."

In an interview with PEP (Philippine Entertainment Portal), Hayden clarified his earlier statement. "Hindi naman [actually] panliligaw, kasi kami na, e. It's my modern-day harana to Vicki [Belo], my love, mi amor." Lest anyone think that he is going through a rough patch with the 50-year old surgeon to the stars, Hayden points out that they have been together for over two years already.

Since he seems to be wooing Dr. Vicki anew, will this lead to a marriage proposal anytime soon? "Kung darating dun sa proposal, it will come, it will come, on the right time," he says.

Hayden will dedicate all his love songs in Celebrity Duets to his lady love. He says, "The first song is titled "That's All" and the lyrics go something like, 'They would give you the world for a toy / All I have are these arms to enfold you / And a love time can never destroy.'"

With romantic lines like these, how can anyone not fall for the 27-year old doctor?

Hayden will be competing with other famous personalities —Bb. Pilipinas Universe 2007 Ana Theresa Licaros; fashion icon, columnist and socialite Tessa Prieto Valdez; TV host, events organizer and entrepreneur Tim Yap; cosmetic surgeon Dr. Manny Calayan; entrepreneur and talent manager Jessica Rodriguez; talent manager Wyngard Tracy, and renowned fashion designer Frederick Peralta.

Hosted by Asia's Songbird Regine Velasquez and composer Ogie Alcasid, Celebrity Duets premieres this Saturday, August 11, after Bitoy's Funniest Videos on GMA-7.

Beauty queen Anna Theresa Licaros tries her luck at singing

Beauty queen Anna Theresa Licaros tries her luck anew, but not in another beauty contest. The Bb. Pilipinas-Universe 2007 is not only beauty and brain but she also possesses a singing voice that will be heard on GMA-7's new reality-based singing contest, Celebrity Duets, to be hosted by singing couple Regine Velasquez and Ogie Alcasid.

Kahit busy si Theresa sa kanyang law studies sa University of the Philippines at ang kanyang duties as the reigning Bb. Pilipinas-Universe winner ay naisingit pa rin nito ang pagsali sa naturang televised singing contest. Isang malaking hamon daw kasi para sa kanya ang pagkanta, na usually ay ginagawa lang niya sa loob ng banyo pero ngayon ay maririnig na on national television.

"Mahilig akong mag-videoke, I sing in the shower, but it's not something that I want to do professionally. It's just something that I enjoy doing," pag-amin ni Theresa sa panayam sa kanya ng PEP (Philippine Entertainment Portal) during the presentation of celebrity contestants ng Celebrity Duets kahapon, August 6, sa 17th floor ng GMA-7.

Dagdag pa niya, "Plus the fact na you can raise money for charity, talagang it really caught my attention. Kasi ngayon, hindi puwedeng beauty queen ka lang tapos bibigyan ka ng charity. Anong gagawin mo doon?

"This is a great way to raise money for charity. Parang hindi puwedeng all talk. You should put your money where your mouth is. And why not, this is a fun way to raise money, di ba?"
Eight non-singer celebrities will be paired with eight professional singers sa Celebrity Duets. Ang mga kasama ni Therese na celebrity non-singer contestants are fashion designer Frederick Peralta, Dr. Vicki Belo's boyfriend Hayden Kho, beauty doctor Dr. Manny Calayan, talent managers Jessica Rodriguez and Wyngard Tracy, and socialites Tessa Prieto-Valdes and Tim Yap. The names of the professional singers have yet to be announced.

Ano sa tingin ni Theresa ang tsansa niyang manalo laban sa kanyang mga katunggali?
"Oh, I think I have an equal chance," kampante niyang sagot. "Most of us really are just here for fun. And the mere fact na may text votes, well, I hope makakuha ako ng maraming votes para tuluy-tuloy ang pagsali ko. And 'yon nga, all is not lost.
"Even nga hindi ako mananalo, hindi pera ang makukuha ko kasi may mananalo kundi publicity. I think I can really use that and lend it to the charity that I choose," sabi pa niya.

Marimar Airs August 13 on GMA Telebabad

Dingdong explains, “(For) Most of my leading women, ako 'yung humahabol (sa characters nila). Ako (‘yung) unang may gusto sa kanila. Pero dito, baliktad – it’s the other way around. In fact, medyo magkakagusto sa akin si Marimar muna, then magkakaroon ng dahilan kung bakit ko siya gugustuhin na medyo hindi maganda 'yung dahilan. Kaya panoorin na lang nila!”

The true test of a good love team is the ability to separate their onscreen and off-screen relationship. Everyone knows that Dong is already with long-term girlfriend Karylle, and Marian clarifies that this never caused any conflict in their roles. These two are mature and talented enough to handle complex onscreen emotions that need not transcend to real life.

“Alam namin ni Dong (ang) limitations namin (sa trabaho). May personal na buhay siya; ako rin, ganoon ako. Trabaho lang kami. Ang maganda sa amin, nag-workshop kami na alam ko kung gaano niya kamahal 'yung isa. Pero kailangan namin ipakita sa tao na may chemistry din kami -- syempre, Marimar at Sergio, kailangan talaga may chemistry! (Walang problema kasi) nag-usap na kami ni Dong, alam na namin (ang) tungkol (sa) lahat niyan!”

Joining Dong and Marian in the show are Richard Gomez (Renato Santibañez), Katrina Halili (Angelika), Manilyn Reynes (Corazon), and Michael V. (as Fulgoso’s voice), among others.

It’s Marian’s first time to work with most of the cast members, and she looks forward to getting to know all of them better in due time. “Kilala niyo naman ako, ganito, simple lang, so tingnan natin, kasi ang hirap din ng feeling close – parang ayoko naman (pilitin ‘'yung bonding). Siguro darating naman sa point na magiging (sobrang komportable) na, hindi 'yung pinipilit.”

Marian admits that she feels the pressure of leading such a well-loved show, especially since the original was a phenomenal hit. “Tulad ng sinabi ko dati, ibibigay ko 'yung 100% ko dito -- hindi 'yung pabanjing-banjing. Pero sinasabi ko naman (na sa) lahat ng trabaho ko, never na hindi ako nagseryoso. Lahat ginawa ko, binuhos ko lahat. Lalo na dito sa Marimar, kasi ako 'yung lead dito, at saka primetime ito, so kailangan ko talagang doblehin at triplehin pa!”

Fall in love with Marimar all over again starting on August 13!

Marimar: Handa Ka Na Ba Umibig Muli?